Një familje shqiptare është përfshirë në një aksident të rëndën në Itali, ndërsa ishin duke udhëtuar me makinën e tyre në autostradën e Villadallettos në Saluzo.

Mjeti i drejtuar nga kryefamiljari është përplasur me një makinë tjetër dhe si pasojë kanë mbetur të plagosur, ai vet, bashkëshortja e tij si dhe dy fëmijët e tyre 10 dhe 7 vjeç.

Autoritetet italiane kanë bërë me dije se familja shqiptare është dërguar menjëherë në spital, ndërkohë që gjendja shëndetësore e dy fëmijëve është e rëndë.

Në makinën tjetër të përfshirë në aksident, ndodhej një çift i ri, për të cilët mësohet se janë jashtë rrezikut për jetën.