Partia Demokratike e Kosovës, dega në Gjilan, ka reaguar lidhur me parregullsitë e shumta, që siç thuhet në komunikatë, janë duke ndodhur në qendrat e votimit në këtë komunë.

Sipas PDK-së, në qendrën e votimit në shkollën fillore “Thimi Mitko” kanë votuar 48 qytetarë ndërsa janë përdorur 50 fletëvotime, ku 2 prej tyre siç thuhet, janë zhdukur dhe nuk janë të evidentuara si fletvotime të dëmtuara. Në këtë vendvotim kryesuesi është nga radhët e LDK-së.

Më poshtë mund ta gjeni të plotë komunikatën dhe fotografitë që PDK ua ka nisur mediave:

Partia Demokratike e Kosovës reagon ashpër ndaj parregullësive të shumta që po ndodhin nga aktivistë dhe komisionerët e LDK-së, të cilët që nga orët e para të procesit zgjedhor po bëjnë trysni tek qytetarët për të ndikuar në votimin e tyre.