Rrjeti telemetrik sizmologjik i Republikës së Maqedonisë së Veriut, mëngjesin e sotëm, më 24 mars 2022, ka regjistruar tërmet 106 km në jug të Shkupit, epiqendra e të cilit i përket zonës epicentrale të Manastirit, transmeton Portalb.mk.

“Sipas të dhënave që disponon observatori, tërmeti ka ndodhur në orën 06 e 15 minuta me magnitudë lokale Rihter ML2.8 dhe intensitet III gradë sipas shkallës makrosizmike evropiane dhe është ndjerë nga popullata në Manastir, Resnjë dhe rrethinë”, njoftuan nga Rrjeti telemetrik sizmologjik i RMV-së.