Trajneri i Real Madridit, Zinedine Zidane, nuk duket i brengosur për humbjen e pësuar nga Girona në kuadër të javës së 10-të të La Ligës spanjolle.

Francezi mendon se kampionati është i gjatë dhe beson se edhe rivalët nuk do të ketë rrugë të lehtë.

“Reali mund të kthehet, do të kemi ditë më të mira. La Liga është shumë e gjatë dhe nuk jam aspak i brengosur për këtë diferencë që kemi nga pozita e parë. Edhe rivalët do të humbasin pikë, pasi kampionati është i gjatë”, ka deklaruar Zidane, transmeton KTV.

Reali u mposht si mysafir i Gironës 2:1, ani pse ishte duke fituar dhe tani ka mbetur plotë tetë pikë prapa Barcelonës.